كتبت : أية الجمل
يظل التلفزيون المصرى على مر الزمن قبل التطور الذى نراه الان حالة عشق لكل من جيل الثمانينات والتسعينات فهم من أكثر الاجيار ارتباطاً بالشاشة الصغيرة وفى تقريرنا هذا نستعرض بعض ومضة من ومضات التلفزيون المصرى وماكان يعرض به قديما
يظل التلفزيون المصرى على مر الزمن قبل التطور الذى نراه الان حالة عشق لكل من جيل الثمانينات والتسعينات فهم من أكثر الاجيار ارتباطاً بالشاشة الصغيرة وفى تقريرنا هذا نستعرض بعض ومضة من ومضات التلفزيون المصرى وماكان يعرض به قديما
1- كليب "ليه يا دنيا" اللي كان بيتعرض 3 مرات في الساعة.. ده طبعا بالتبادل مع كليب "يوم ورا يوم" و "تترجى فيا" و "أنا لو حبيبك" وطقم كليبات مصطفى قمر.. وكان فيه برنامج Top 10 بيجبلنا نفس الأغاني دي تاني بس مترتبين.
2 - كان بييجي الصبح عالقناة التالتة اللي كانت محتاجة واسطة عشان تيجي ومكنتش بتعرض غير كعبول وبرنامج المففودين.
وكانت سبيس تون بتيجي ساعتين في اليوم.. وعالم سمسم الساعة 5 وربع بعد النشرة الفرنسية وساعات بييجي كونان.. وفي رمضان خيال الظل وبكار عشان نحزم الطفل.
وكانت سبيس تون بتيجي ساعتين في اليوم.. وعالم سمسم الساعة 5 وربع بعد النشرة الفرنسية وساعات بييجي كونان.. وفي رمضان خيال الظل وبكار عشان نحزم الطفل.
3 - زمن المسلسلات الجميل.. يعني مغاوري في عفاريت السيالة؛ المثل الأعلى لجيل التسعينات
وحامد الغرباوي في العصيان والحاج متولي
4 - التعلب حمادة امام الله يرحمه.. أيام لما كانت كل ماتشات الدوري الانجليزي والتشامبيونز لييج وكاس العالم بتيجي على القناة التانية وبيعلق عليها بصوته (بالتبادل مع ميمي الشربيني ومحمود بكر).. مرة مكانش حافظ غير اسم لعيب واحد في الفرقة فخلاه يباصي لنفسه ويعرض لنفسه ويجيب جول ويحتفل بيه مع نفسه.
وكورة عرضييييييية!
5 - بيجي لا إراديا في ذهنك مزيكا: دهب دهب دددهب دهب دددهب دهب!!
6 - مواقف وطرائف مع جلال علام.. كان بمثابة اليوتيوب بتاعنا.
7 - محمد ثروت.. في مولد النبي يلبس الجلابية البيضة وينشد ديني، في عيد العمال يضرب العفريتة ويمسك مفتاح انجليزي ويغني، في ذكرى اكتوبر يضرب بدلة الظابط ويلبس الكورس عساكر.
8 - من المحترمين القليلين اللي مروا على ماسبيرو طول تاريخه.. قنديل اتمنع من الظهور وراح يذيع من برة واتمنع برضه، وجمال الشاعر فضل مستحمل لحد ما فاض بيه واستقال ع الهوا.
9 - الأجيال الجديدة لو كانت حضرت برنامج "ستار ميكر" كان زمانهم مغرقين السوشيال ميديا محن و"هاححح" وقلوب، اللي هو كفاية ان امير كرارة كان بيقدمه.
ايساف كان في عزه ساعتها وخلى لجنة التحكيم تعيط عياط ماركة قطرة بريزولين.. وكان مطلع الستايل المعفن ده موضة وخلى نص شباب بلدك يمشوا ينعروا وهما بيغنوا "عاشق بحب" و "زي غيرها".
10 - كده التلفزيون قفل ومش هيفتح غير الصبح على النشيد الوطني وبرنامج "صباح الخير يا مصر".. اللي من يوم ما بدأ ومصر ماشمتش ريحة الخير.
